عايزة اتكلم
بقالي كتيييييير ما اتكلمتش
وانتوا لازم تستحملوني
لما الواحد يحس بمشاعر غريبة بالنسبة لناس ما شفهومش قبل كده
ده يكون إيه تفسيره؟
يعني لما بحس إني محتاجة صديق بجد وراجل بجد
بيكون هو أحمد حربية
ولما أكون محتاجة أخت قريبة من قلبي بتكون هي الوردة السودا
ولما أحب يكونلي صديقة حنونة أقدر أفضفض معاها باللي في قلبي من غير قلق
تكون هي ابتسام
ولما أحتاج صديق عزيز يسأل عني لما أغيب ويطمن علي
يكون السندباد
ولما أكون نفسي أكلم حد دماغ
تكون الدماغ دي دماغ أحمد ندا
وعلى فكرة ده مش دماغ وبس
لأ ده روح حائرة قوي
ولما أحب أحلق بروحي
يكون أحمد الدريني
بعوالمه الشفافة وروحه النقية
ولما أحب يكونلي أخت صغيرة عسولة تكون الحلم العربي
يبقى ده تفسيره إيه؟
................................................
أسوأ شئ إن الواحد يكون طبيب
لإنه مع إي شوية تعب
بيوهم نفسه بمليون مرض
وده اللي أنا فيه دلوقت
بس أنا حاسة إن كل ده حقيقي
ويمكن يكون عقاب من الدنيا لي
على إيه؟
لست شيطاناً مريداً عشان بس الخيال ما يوسعش منكم
بس مين فينا متأكد إنه راضي ربنا عنه
وإنه يستاهل فعلاً كل النعم اللي هو فيها
مش مهم
.................................
لما كل اللي أعرفهم من البنات تكون فكرتهم الوحيدة عن الزواج
إنه حاجة عايزين يعملوها عشان يبقوا زي اللي عملوها
وما يبقوش من اللي ما عملوهاش تبقى مصيبة
يا جماعة لو ما كان الطرف الآخر أساسي في حياتنا
وما نقدرش نعيش من غير ما نفكر فيه يبقى بلاها جواز أحسن
يعني اللي اتجوزوا خدوا ايه؟
.......................................
لما تبقى مشكلة انقطاع الميه عن القرى مسألة مهمة جداً
أدافع عنها بكل قوتي وإن لازم الدجولة توفر لهم المية وطز كبيرة في المصايف
وبعدين أكون متضايقة لما أعلرف ان المية مقطوعة على طول في المصيف اللي أنا رايحاه عشان حولوا المية إلى القري المتضررة
يبقى أنا انسانة متناقضة
ويمكن أكون مش قد مواقفي
ودي خيبة تقيلة
............................................
لما حد الواحد بيحيه قوي ويتخلى عنه لأسباب تافهة
يبقى ببساطة
دي دنيا ما تستاهلش حتى إن الواحد يزعل عليها
.............................وأخيراً
لما كل اللي حوالي يقولولي إن أنا مكتئبة
يبقى لازم أصدقهم
تنويه مهم:
كان لازم أعتذر عن عدم كتابتي لقصة "عودة جرباوي"
ده لو كان الموضوع يهم حد
بس بصراحة روح الحماسة لكتابة القصة راحت
وكمان الدافع للكتابة اختفى بظهور حالة الاكتئاب
وهي مش حالة خطيرة قوي
وبس خلاص على رأي شعبولا
21 comments:
من بين من كتبتي عنهم أعرف أحمد ندا رفيق لفافة التبغ وسهر الليل علي مقهى محطة القطار.. التي أرجو أن يجد مكانا غيرها ملاذا لروحه..
أما أحمد الدريني فهو ضريحنا وهذا يكفي..
الأمراض والقاب الالهي .. فكرة تراودني كثيرا.. ولكنها تمتد إلي أكثر ما هو من المرض.. انها الماسوشية الحميمة التي تمنحك الاكتئاب الممزوج بالشجن
وفعلا هما اللى اتجوزوا خدوا ايه
:))
وما تقلقيش من الاكتئاب ده حاجة لذيذة خالص
:)
ان شاء الله فترة وهتعدي
ازيك
مالك في ايه
كويس انك فضفضتي الفضفضة جميلة جدا احيانا بتريح وكلنا بنمر بحالة القلق والتوتر دي المهم انها متتعمقش جوانا وتبقي ملازمنا علي طول ايام وبتعدي بس من غير ما نتعود علي الاكتئاب لازم ننتصر عليه
شكرا علي زيارتك ليا وحمدالله علي السلامة وعايز البوست الجاي الاقي حاجة حلوة زي ما عودتنيا معلش طولت الايام دي بقيت رغاي اوي مش عارف ليه تفتكري ليه عندك علاج للحالة دي ولا دي حالة عادية مش بقلك بقيت رغاي
باي
dead man
الاكتئاب مش لذيذ
بس مبدع
واسأل أي كاتب
وبالنسبة للي اتكلمت عنهم
فأجمل ما فيهم إنهم لا يعرفوا اسمي ولا سني ولا مكاني
ورغم ده فأنا بحس بتواصل نفسي عال جداً معاهم
على الرغم من إن لي أصدقاء كتيير
وقريبين من قلبي
بس تقول إيه بقى ؟!؟
وشكراً جداً على الزيارة
وأحب بجد أسجل اعجابي الشديد بمدونتك وأسلوبك الرائع
تماموز
سندباد
صدقني الاكتئاب في ساعات كتير بيكون مفيد للي زيي
وأنا أول مرة أفضفض ومش هتكون الأخيرة
على فكرة البوست الأخير بتاعك جميل
يا سلام انا الصديقة اللى بتفضفضي ليها من غير قلق انا بجد مبسووووووووووووووطة قوي بالكلام ده وبجد انتى كمان صاحبتى اللى عايزه اتكلم معاها بس مش على النت بقي يا ريت نشوف بعض
الغريب فى الامر ان التجميعة اللى انتى عملاها وبالرغم من انها مالهاش اى ربط بينها الا انها قالت كل حاجة انا كمان عايزه اقولها
احييكى بجد ويا ريت نشوف بعض قريب
ايه اخبار الاكتئاب المفيد
شكرا علي ذوقك وفرحت ان البوست الاخير عجبك
انا بقى
الاكتئاب عندى دة اينعم ببقى مسوداها اوى بس بكتب بس انا تقريبا مبعرفش اكتب غير وانا متضايقى وكأبانةو قافلة عليا الباب والنور
ومقضياها مع نفسى
انا من كام شهر اكتشفت انى بحب نفسى وانا مكتئبة :D
فافرحى يا فتاة فوقت الابداع قد حان
جميل انت يكون أشخاص بهذه المميزات أصدقائك وبالطبع انت لاتقلين عنهم قيمة
الحمد لله على العوده الحميده من حالة الاكتئاب البسيطه
وبلاش تفكرى فى الحاجات المتعبه دى
حاولى تلاقى حل بس خلاص
بصي انا هبدأمن آخر موضوع
قصة عودة جرباوي :: من كام يوم كنت ماشية في الشارع و افتكرتها ...و قعدت اقول لنفسي ...يعني انا قعدت شهرين تقريبا متابعة المدونة و كل يوم افتحها و ألاقىكي لسة ما نزلتيش القصة ...و أول ما رجعتي فرحت انك رجعتى و نسيت أسألك فين القصة ؟؟؟
هي فين القصة بقى ؟؟؟؟؟
موضوع المية : كلنا هذا الرجل ....الحكاية اننا كلنا ما نقدرش نستغني عن المياه سواء في المصيف أو في البيوت ...لكن ساعات لما الواحد بيجرب الشئ بيكون حكمه عليه مختلف
موضوع الجواز :: و الله هو ده اللى بقوله من زمان بس محددش فاهمنى غيرك انتى يا جميلة ....انا كمان بكره ان الناس تتجوز لمجرد الجواز ...بس لعلمك الموضوع ده موجود في الشباب أكتر من البنات كمان
موضوع الطيبة : انتى فعلا طيبة جدا و ما تزعليش من كده ....الطيبة دي أجمل شئ في الوجود حتى لو كلفتك كتير
أما بقى انى اختك الصغيرة ...على فكرة يا بنتى أنا أختك الكبيرة بقى بس انتى مش واخدة بالك ...ايوة أنا عندي خمسة وعشرييييييييييييين سنة ...., حضرتك لسة في الكلية يبقى انا أكيد أكبر منك
بس بجد أنا مبسوطة أوي من كلامك ...و مش مجاملة لكن أنا فعلا حسيت انك قريبة منى من أول بوست كتبتيه ...مش عارفة ليه ؟؟ لكن احساس جميل ان الواحد يحس ان فيه أرواح ربنا ألفها مع روحه من غير ما يشوفوه
ربنا يديم المشاعر الجميلة بيننا و إن شاء الله ربنا يجمعنا في الدنيا و الآخرة
تحياتي لك .... وأكيد الدنيا فيها حاجات حلوة تستاهل اننا ما نضيعهاش في الاكتئاب
يا شيخة فكيها بقى ....قومى صلى ركعتين و كلى شيكولاتة علشان بتضيع الاكتئاب و انتى هتنسي كل الاكتئاب
مع اني عمري ما لعبت طاولة إلا أني فهمت احساس المزنوق في خانة اليك!!
قرأت التدوينة دي قبل ما أي حد يعلق عليها،ودلوقت بقرأها للمرة العشرتاشر وبرضه مش عارف أقول ايه...لكن متهيألي ان التعليق الوحيد المناسب بالنسبة لي هو نفس رد فعلي كلما قرأت هذه التدوينة ...ابتسامة مندهشة مع تنهيده من الأعماق.
ملحوظة:- انا مستنيكي تنشري القصة وبلاش حجج فارغة.
أحمد
سعيد بزيارةمدونتك
اتمنى ان تشرفنى فى مدونتى
ابتسام
بجد أنا كمان نفسي نتقابل خارج النت
ولغاية ما ألاقي طريقة عايزة أقولك أنا كمان بحبك قوي يابسبس
سندباد
أنا دلوقت تقريباً في رحلة علاجية ولما أرجع هبقى أكلمكم عليها بالتفصيل الممل
رنا
تقريباً (يافتاة) قد حان هذا الوقت
هييييييييييه
أنا راحة أكتب بعون الله
ونورت ياجميل
إحنا
إنت عايزني ألاقي حل لمشكلة جيل كامل
ده أنا كده ممكن يجيلي اكتئاب
ههههههه
وبعدين يقلب بوسواس قهري
وده مالوش حل
بس شكراً جداً على الزيارة وعلى فكرة مدونتك روعة بجد وياريت الكل يدخل عليها
الحلم العربي
أنا عارفة ياجميل إنك أكبر مني في السن
بس ده مالوش دعوه بإني بحس إني أختك الكبيرة بالعند فيك
ههههههههههه
بالنسبة لعودة جرباوي
أنا قلت إنكوا نسيتوا
بس وعد علي مادام إنت عايزاها كده
هأقعد زي الكرسي وأكتبها إحنا عندنا كام واحدة زيك ياقمر
وعلى فكرة أنا صليت وأكلت الشيكولاته
وبقيت أحسن
شكراً
وأنا كده كده بأكل شيكولاته عشان أتخن شوية
ياله أديني فضحت نفسي أهه عشان خاطرك
أحمد حربية
كان لازم أعلق عليك لوحدك
عشام إنت ظاهرة متفردة
بجد والله يا أحمد أنا كنت حاسة إني لو عايزة أتكلم مع أخ وصديق حقيقي ينصحني هيكون إنت
وأنا مبسوطة إني زنقتك في خانة اليك
_وبالمناسبة دي(دش) أنا بأسمعها بتتقال في الطاولة وما أعرفش معناها إيه؟
ههههههههههههه
وبالنسبة للحجج الفارغة
معلش استحملوني شوية
بس وعد برضه إني هكتبها في أقرب وقت
بس إنت ادعيلي
خناقة ولا حلاقة؟
سؤالي لك ..كيف (تعرفين) أحمد ندا ؟ وأنا كثيرا لا أعرفه؟
عذرا للتحليق خارج السرب
من اجل رفع الظلم عن المظلومين
ادعوك للمشاركة فى حملة رفع الظلم ع نطلاب الاسكندرية المختطفين
التفاصيل بمدونتى
علي فكرة انا كنت تالت تعليق علي تدوينتك دي و سجلت رأيي من زمان قوي في حاجات مالهاش علاقة ببعضها بس مش عارفة انت ليه شيلتي تعليقي مع انه لم يكن به اي مساس بشخصك او رأيك عموما اتمني لك كل خير و يارب تقدري تطلعي من حالة الاكتئاب دي
جيت اطمن
صباحك فل يا عسولة
جميلة والله الفضفضة دي ..ربنا يبارك فيهم كلهم واحد واحد
اضحكي كده وايه يعني احنا اقوى من الدنيا وغباءها
وبالنسبة لكونك دكتورة فأي وجع اسبرينتين وكوباية شاي فل جدا!..ياللا روحي العبي بلي مع العيال ..ورايا ماتش انا كمان ! ..ربنا يسعدك
؟؟؟؟؟؟؟؟؟؟؟؟؟؟
Post a Comment