التاج ده مبعوتلي من زمان
بس بصراحة أنا كنت نسيته
طب إيه اللي فكرني بيه؟؟!؟
يمكن لأني حسيت إنه دلوقت وقته
أنا حرة بقى
وكمان مكتئبة يعني تستحملوني
اسم مدونتي؟
اسمها جه معايا بالصدفة لأنه كان نتيجة لحالة نفسية كنت فيها
كنت طالعة من تجربة سيئة جداً
ليه مش كاتبة اسمك ولا سنك؟
لأني كنت دايماً نفسي لو أكون خفية
وطول عمري نفسي اللي حوالي يحكموا علي صح
ويفهموا دماغي
وده ما يحصلش إلا لو كانت الدماغ بس هي المعروضة
ومتهيألي المدونة قامت بالغرض وزيادة حبتين
أما سني ، فأنا لسه بادرس يعني هكون كام سنة
وبرضه مش هقول دلوقت
ايه هو أجمل تعليق قيل في مدونتك؟
؟؟؟؟؟؟؟؟؟؟؟؟؟؟؟؟؟
أقرب المدونات إلى قلبك ؟
مدونة أحمد حربية وابتسام
dead manو
أفضل بوست قرأتيه؟
كتير بس يمكن اللي علق معايا ،بوست في مدونة أحمد ندا "الحزن"
أسوأ مدونة؟
عموماً كل المدونيين الذين يعتنقون حرية العبث بمحظورات أخلاقية تحت اسم حرية الفكر
هواياتك؟
سؤال سخيف دايما كان الواحد وهو صغير يقوم راصص شوية حاجات ورا بعض
(قراءة وممارسة الرياضةوالكتابة
بس أنا خلاص كبرت ونضجت دلوقت
وإجابتي هي
(القراءة وممارسة الرياضة_في المشمش_والكتابة_اللي هتوديني في داهية_ والاكتئاب
ناوية على إيه في المستقبل؟
يعني إيه مستقبل؟!؟
10 comments:
أحب عبثية العبث ..كما لم تكن قبلا
حرة وفي نفس الوقت مكتئبة؟!! مش فاهمها دي يعني لو الإنسان حر في إيه ممكن يخليه يكتئب؟
كنت عايز أكتب كلام أكتر بس في ناس واقفة علي دماغي .. بعدين بقي ..سلام
أحمد
يا فندم يشرفنا أننا موجودين في التاج..
وأكثر حاجة لفتت نظري هواية الاكتئاب.. نعم فالاكتئاب هواية ننميها بداخلنا.. فنحترف الحزن والشجن والانتظار
تحياتي
ايه يا بنتى الاكتئاب اللى طالع من المدونة ده ؟؟؟؟
احنا مش اتفقنا من التدوينة اللى فاتت انك هتاكلى شيكولاته و تصلى ركعتين ....الظاهر انك وقفتى العلاج ....امال لو ما كنتيش دكتورة و عارفة خطر توقيف العلاج كنتى هتعملى ايه؟؟؟
ربنا يوفقك في مستقبلك المشرق إن شاء الله و صدقينى الابتسامة تفتح لك ألف باب
سللام يا صديقتى الحزينة
أحمد ندا
العبثية في عالم عابث هي ترنيمة الأدباء والمخابيل
أما ما أقصده هو الاستهتار بالمعان الدينية ومحاولة تشويه كل المعان الدينية
للتوضيح أكثر تابع مؤتمرات العلمانيين
وأقباط المهجر لتعلم ما أعنيه بالعبث في الأفكار الدينية على كافة الأصعدة
أحمد حربية
أنا حرة في اكتئابي يا أخي!؟
dead man
جميل إنك موافقني الرأي
ولذلك ومن منطلق تشجيع تلك الموهبة
أرى أن نفتتح نادي للمكتئبين
بس بشرط يكون اكتئابهم من النوع المثقف
يعني مش عايزين واحدة مكتئبة عشان دادي ما وداهومش مارينا ووداهم شرم السنة الدي
ولا واحد مكتئب عشان البت بتاعته اللي كانوا ماشيين يتصرمحوا مع بعض طول الوقت فرقعته
يعني عايزين مكتئبين متميزين
فكر ورد علي
الحلم العربي
والله أنا ماشية على العلاج
بس أعمل إيه
كل ما أفتح التليفزيون وأشوف البلاوي اللي حاصلة في البلد
أرجع أكتئب تاني
وعموما@ أنا مبتسمة أهو(
(__)
تمام
في الحقيقة مش عارف هل لو عملنا كده هنلاقي حلول او مسكنات زي ما بتقولي ولا لأ.. بس الفكرة محتاجة نتكلم عليها
اما أنواع المكتئبين فبصراحة مش متفق معاكي في موضوع المكتئبين المتميزين ده.. كل واحد مكتئب بطريقته .. حتى اللى مارحوش مارينا.. واللى بتقولي عليهم كانوا بيتصرمحوا.. كل واحد بيكتئب علي طريقته ولأسبابه .. ويحترم طالما مشاعره صادقة
بجد بجد
ايه هواية الاكتئاب دى
على العموم
انا سعيد جدا
بوجودى هنا
ودى اول مرة بس اكيد
هتتكرر تانى
ان شاء الله
يا بنتى هو انا كل ما ادخل عندك الاقيكى مكتئبة
اهدى شويه وحاولى تخرجى من اللى انت فيه
وبعدين بما انى من المدونات اللى بتحبى تقريها خليكى شيكا بيكا وبولوتيكا ومقالب انتيكا
اتمنالك حالة اكتئاب ممتعة
اوعدنا يا رب
:)
صباح العسل
لا لا تكتئبي
........................
........................
عارفه بقى اجاباتك حلوة وتدل على ان واقعيتك اكثر من رومانسيتك ومن كتر العقلانية هتكتئبي أكتر
خليكي في النص
تخيلي إنك الآن في مركب كله ورد بلدي بيعوم وسط السما..والقمر طالع ..والكروان بيقول دعائه الجميل ..الملك لك لك لك يا صاحب الملك ..ربنا يهدي لك نفسك ونحن معك
Post a Comment