امبارح كان مزاجي عالي جداً
ليه؟؟
لإن كاظم الساهر كان عامل حفلة لايف في مصر
وصوت كاظم الساهر هو الصوت الوحيد القادر على انتشالي من حالة الصمت
أو حتى الانشغال
أو حتى هوايتي الأثيرة في الاكتئاب
والمتابع لأي حفل له قد يدرك أنها ليست حالتي الفردية
فالجميع يتراقص معه في نشوة مخمورة لا يعادلها مثيل
هتفت أختي
"ده بياخد ملايين عشان الحفلة دي"
بنت خالتي ردت
"ما أكيد حفلته بالشئ الفلاني إنت مش شايفة المستويات اللي قاعدة صف أول شكلها إيه؟
رددت
"ربنا يرزقني ويفتحها علي من وسع
وابقى أروح أحضر حفلات كاظم صف أول كمان"
ماما
"طب إدعي ربنا يكرمك بحاجة كويسة، تحجي مثلاُ ولا يقدرك على الخير
بعند رديت
"ياستي ربنا يقدرني على الاتنين ، ربنا كريم وقادر
يمكن لإن لا أحد يستطيع استيعاب أن وعيي الروحي قد تشكل مع موسيقى وصوت كاظم الساهر
فأنا وليلى هي برأيي أفضل ما غني وكتب وأبدع بعد أغنية "لا تكذبي"
فأنا لا أمل من سماعها ولا ترديدها
وحينما مسني الحب في المرة الأولى كانت كلماته في "قولي أحبك"
وكأنها تنساب من شفتا من أحببت
وحتى حينما مررت بأزمتي الأخيرة فكانت كلماته هي عزائي
ولسماع كاظم طقوسه
أولاً الجلوس في غرفة مظلمة
تشغيل الشريط
وايصال الكاسيت بسماعات الأذن
ثم رفع الصوت إلى مداه
ويا حبذا لو لم يكن بالمنزل غيري
تبقى هااااصت
شكراً كاظم
وشكراً لروح خالي الذي علمني كيف أتذوق موسيقاه
9 comments:
اقولك على حاجة يا لو كنت اعلم
ايه ده هو انا ما قلتلكيش ازيك الأول ؟؟؟
طب ازيك يا جميل عاملة ايه
اقولك على الحاجة بقى
انا كمان في فترة من حياتي كنت متأثرة جدا باغاني كاظم الساهر و كنت بعتبره فارس الرومانسية في زمن ضاعت فيه الرومانسية ...عارفة ليه؟؟
لأنه كان وقتها يغني للحب العذري ...الحب الخالى من العري الحب لست النساء تلك الراجحة العقل المثقفة الذكية
و لكنه الآن في رأيي لم يعد ذلك على الاطلاق
اصبح الآن يغني لتلك الجميلة و فقط .أصبح يستعين بالموديل لتكمل الصورة
ووقتها أدركت ما كان بقوله عليه البعض من أنه يبيع الوهم للنساء
ده رايي و لو انى مش عايزة اكرهك في الراجل يعني هو لسة ليه بقايا من بقايا خاصة في اختيار الكلمات
تحياتي لك و على العموم انا كده ممكن اغير رأيي مادام ده اللى طلعك من حالة الاكتئاب
يا رب تتخلى بقى عن صديقك اللدود الاكتئاب ده
دعى القلق و ابدأي الحياة فحياتك تستحق ان تكونى بها فارسة و أميرة
ازيك
انا وانتى بنشترك فى هوايتنا
انا هوايتى الاكتئاب برضه
زمان كنت بحب كاظم الساهر جدا وبحب حفلاته والدباديب
ومرة كنت تعبانة جدا بموت وكان فيه حفلة ليه وصممت اتفرج بس نمت طبعا من التعب وانا بتفرج عليها
بس دلوقتى معرفش معتش بحبه ومعتش بسمعه مش عارفه ليه يمكن علشان بقي ممل واغانيه زى بعضها مفيش تجديد
او يمكن انا اللى اتغيرت
صباح الفل يا جميل
كل سنة وانت سعيدة وطيبة ومتفائلة
أشكر كاظم الساهر انه طلعك من حالة الإكتئاب ..-رغم اني مش من جمهوره -وعلى كل حال ربنا ينولك وتحجي وتعملي عمرة وتروحي حفلات كاظم ..وفيروز كمان في لبنان وفي أي مكان ...أهم حاجة فيروز ..سامعاني؟..وماتنسيش تساعدي الغلابة بما فتحه الله عليكي ..ربنا يجعلك من راسمي البسمة القلبية للناس ..ربنا يسعدك ..تحياتي يا جميلة ..:)
كاظم باشا
والله كاظم دا هوة الوحيد اللى بيحسسنى ان فى فن الايام دى
يلا
انا مش بتفرق معايا الاشخاص اكتر ما تفرق الكلمات والالحان احيانا شخصة الفنان بتبقي طاغية وبيكون في كريزما تخلينا نسمعه علي طول حتي لو ريان يافجل انا الاهم الاحساس والكلام
وكاظم في شوية كاريزما جميلة ربنا يبعد عنك الاكتئاب
جميل جدا ان زوقك يبقى عالي كده و جميل انك تتذوقي بالشكل الذي يهيم بروحك و يسمو بنفسك عن كل مشاكلك اليومية و لكن انتو اضح انك امنت بكاظم لدرجة جعلتك تهوين الاكتئاب و تحترفينه لانه من غني انا اكبر عاصمة للحزن و حرجي نقش فرعوني وجعي يمتد كسرب حمام من بغداد الي الصين
تذوقي كل جميل و لا تاخذي منه سوي الجيل الذي يشبهك و يناسبك
انتى برضه هوايتك الأثيرة هى الاكتئاب؟؟؟
اديت حق الزيارة
انا ايضا اراه الافضل
انا برضه هوايتي الاكتئاب بس زيادة حبيتين ان كاظم عمره ما خرجنى من اكتئاب لا دا بيزود الاكتئاب إذا كان هو ولا منير لما اعوز اخرج من حالة الاكتئاب يبقي بسمع مروان خوري عموما مش مهم ربنا يزيد ويبارك لنا فى الاكتئاب
:)
قصدي
:(
تحياتى ..،
تشي الحزين
Post a Comment